انا فين ؟

انا المنقوش على جبينك

و جوَّه الننى .. فى عيونك

أنا  فيكِ وريد ينبض حروف اسمك

لأنى عاشق ...  و عشقانى

كتبت ميلادى ..  يوم حُبك

عرفتِ ليه انا منقوش على جبينك ؟

لآنك وشم فوق روحى

و عشقك غنوتى و بوحى

ف قربك .. شوقى يسبقنى

ملاكي

حلم أحلامى

بيكبر ( طِفـْـلـُه ) قـُـدَّامى

أعيشه ف صحوى .. و منامى

م نا عاشقك و عشقانى

الحياة ويَّاكى ليها طعم تانى

و الأمانى

كل يوم تكبر معاكى

يا ملاكى

ضحكتك ف حياتى أجمل م الأغانى

و لـ زمانى

فجر مستنى نـَـدَاكى

و ف  هواكى

روحى هايمة شوق و لهفة

تجرى لو طيفك ندانى

تحضن الأيام و تسبح فى فضاكِ

اتنفسينى

 اعيش معاكى

و اعشقك