بَقـَي ابْقـَى مَصري .. و عَصْري يسرَقوه منـِّي ؟ ! و انا اللي عِلـْم الفـَضا لولايا ما يغنـِّي يا كل خـَلق البَشـَر .. روحوا اسألوا خوفو ليه مرِّتين ف السَّنة .. الشمس بتبوسُو .! &&&& ياللي انت ماسك ف ايدَك .. صَنـْعَة تصنـَعها إذكر تاريخـَك ، يفيدَك .. يعني بَدَّعـْـها جـِدَّك يا مَصري جاب السَّما عَندُه فـَرَّغ نجومها ف حِجـْـرُه .. و قـَعَد يـِلـَمـَّعها . ! &&&& يا سَمرا .. يامَّه .. قوليلي الصَّبر اجيبُو منين ؟ زَرَعْت عَرَقـِي حبوب .. ف الأرض .. و الدواوين و لمَّا تـَعَبي طـَرَح .. قـٌلت احصُد الزَّرْعَه قالولي سيب الحَصاد .. و اغرَق ف بئر الطين ! &&&& النـَّخلة واقفة .. رافعة ايدها للسَّما نزفت دموعها .. جَفـِّت ع الصُّباتة يا رب قادر .. ترحمنا من ضعفنا فرعون و هامان .. رِجْعولنا بشـَـماته . &&&&
أضف تعليقا
من مصر
السلام عليكم
اخى العزيز
مــــصطفى
كلماتك عجبتنى جدا
ابداعت حقا ارى انها تحمل شئ من الاحزان
وعلينا ان نتأ مل غد مشرق با ذن الله
لك ارق تحياتى
واغالى امنياتى
بمذيد من التالق
اختك ايمان
من مصر
السلام عليكم
أخى وصــديقى الفاضل / مصـطفى
مقال جميل وطرح قيم
شـدو الاهاتـ يحمل الحزن والاسى والالم
فغدآ أشراقة أمل بأذن الله
ومستقبل أفضل
دمت دأئمآ بكل خير
مميز وراقى وموفق أنشاء الله
لكـ خالص تقدير وأحترام
ســـــهير
من مصر
النـَّخلة واقفة ..
رافعة ايدها للسَّما
نزفت دموعها ..
جَفـِّت ع الصُّباتة
يا رب قادر ..
ترحمنا من ضعفنا
فرعون و هامان ..
رِجْعولنا بشـَـماته .
**************
واللهى يامصطفى ماهو فرعون واحد او هامان واحد
فاصبح العديد منهم والالوان والجنسيات تعدد فرعون بكل اشكاله
ربنا يرحمنا من جهلنا وضعفنا
لكن الصبر طيب دوام الحال من المحال
ومادام شر ومادام خير
ولا دام نصر ولا دامت هزيمة
انها الدنيا التى تدور
ولكل زمن ابطاله وشهدائه وزعمائه ويسجل التاريخ
اللهم اكتب الخير للمسلمين واجمع شملهم واعفو عنهم
تحياتى لك مصطفى ولا داعى لليأس
نجوى المصرية
أضف تعليقا
<<الصفحة الرئيسية
من مصر
ما عدتش الحما مصر
هى الخوف والقهر
الكل فيها فيها ضعيف
بيموت عشان رغيف
باعوها برخص التراب
والحلم فيها اصبح سراب
حتى تراب الاجداد
معدش يحكى عن الامجاد
ثورى يا امى وانتفضى
وحققى الباقى من املى
و جففى دموع اولادك الطيبين
اللى بيموتوا وهم ساكتين
ولا يملكوا الا دمع العين
عزيزى الفاضل مصطفى
ما اجمل كلمات شدو الاهات رغم الحزن والاسى على واقعنا الذى يجعلنا نحس بالمرارة والالم
كلنا نتطلع الى مستقبل افضل يعلوا فيه كلمة الحق وتعود البسمة الى قلوب الشعب الغلبان الذى اصبح يستحق الاحسان رغم ان تاريخه حافل عبر الزمان ولكنه اين هو الان
فى ايدى فرعون و هامان
تحياتى وتقديرى
وامنياتى لك بالسعادة والتوفيق
دمت بخير
ارق الامانى
صفاء داود