و قلت استنـَـى

شوف شوقه يحن إليك

بلاش ابدأ

أكيد هيحس بيك .. يناديك

و تفرح بالنـَّـدى يعطـَّر سهاد لياليك

لقيت الكبرياء حَرَّض

و حال بيني .. و شوقها عنيك

ساعات بنحِسّ جوَّانا بحلم جميل

و نور الفرحة يرحمنا سواد الليل

ساعات نضحك

نخاف منها ..

بسرعة نقول .. يارب خير

عشقنا الحزن من بدري

بنوشم بيه ليالينا

و لو شفنا القمر يضوي

نخاف م الفرحة تكوينا

نسينا العمر بيعَدِّي

و يجرح نور مآقينا

و مش عارف ..

ليه الفرحة تخوِّفنا

و ليه مات الأمل فينا